باقة من برامج الايفون iPhone المميزة من اختياري (أكثر من 30 برنامج)

السلام عليكم ورحمة الله وبركاته

بعد تحميل وتجربة أكثر من 1000 برنامج حبيت اعطيكم بعض البرنامج اللي اعجبتني

وإن شاء الله تعجبكم وتستفيدون منها والبرامج هي:

Forum Runner

اذا كنت تزور منتديات بكثرة فأكيد تبي تحتاج هالبرنامج لأنك تقدر عن طريقة
تصفح المنتديات اللي مركبة هالبرنامج ... وبالمناسبة البرنامج مركب في
إقلاع سوفت وتقدر تتصفح المنتدى عن طريقة
اذا دخلت البرنامج اكتب بالبحث إقلاع سوفت وتبي تحصل المنتدى
فيه منه نسخه مجانية لكنها للقراءة فقط لكن انا شريت النسخه الكاملة لأني
اقدر ارد واكتب وبنفس الوقت يوصلني تنبيه لأي رساله خاصة او اي موضوع
مشترك فيه

رابط التحميل
http://itunes.apple.com/us/app/forum...362527234?mt=8

Tapatalk Forum App

مثل البرنامج اللي فوق لتصفح المنتديات وهو مركب في منتديات إقلاع سوفت
ويمكنك تصفح إقلاع سوفت عن طريقة

رابط التحميل
http://itunes.apple.com/us/app/tapat...307880732?mt=8

alQibla

برنامج مميز جداً وما تستغني عنه
يعطيك مواعيد الصلاة وكم باقي عليها وتقدر ترسل مواعيد الصلاة لمدة شهر عن طريق الايميل
وتقدر تخليه يعطيك تنبيه عند دخول مواعيد جميع الصلاوات او اي صلاة تختارها

رابط التحميل
http://itunes.apple.com/us/app/alqibla/id322401779?mt=8

IMDB

من إفضل البرامج لمحبي الأفلام .. وتقدر عن طريقة تعرف افلام البوكس اوفيس وتقييم الافلام وأفضل 250 فيلم وغيره من المميزات الكثيرة

رابط التحميل
http://itunes.apple.com/us/app/imdb-...342792525?mt=8

Movies by Flixster

ايضاً برنامج لمحبي الأفلام ولكنه يتميز بدقة تقييم الافلام ... يعني قبل ما تشوف فيلم ادخل وشوف تقييمه علشان ما تتوهق بفيلم تعبان

رابط التحميل
http://itunes.apple.com/us/app/movie...284235722?mt=8

IntoNow

هالبرنامج متخصص بالمسلسلات الامريكية ... ميزته انك اذا كنت تشوف مسلسل
امريكي وما تدري وش اسمه او كم رقم الحلقة ... شغل البرنامج واضغط على الزر
الأخضر وبعدها البرنامج يبي يسمع المسلسل ويتعرف عليه

رابط التحميل
http://itunes.apple.com/us/app/intonow/id406436404?mt=8

Ugly Meter

هالبرنامج خطير ومسلي ... صور وجهك وهو بعدها يبي يعطي وجهك درجة من 10
لو اخذت 10/10 معناته انك شييييييييين بقوه واذا اخذت رقم صغير معناته انك حلو

رابط التحميل
http://itunes.apple.com/us/app/ugly-...388336485?mt=8

FatBooth

هذا أحد برامجي المفضلة ... تصور نفسك وبعدها يخليك سمين ... صراحة جداً
ممتع اذا كنت جالس مع اصدقائك وبعدين صورة الواحد وهو سمين كأنها حقيقية

رابط التحميل
http://itunes.apple.com/us/app/fatbo...372268904?mt=8

CamWow

برنامج مسلي جداً ومجاني ويطلع وجهك بأشكال مختلفه وغريبه ومضحكه

رابط التحميل
http://itunes.apple.com/us/app/camwo...418368641?mt=8

Sleep Talk Recorder

هذا برنامج توني شاريه قبل اسبوعين ... ميزته اذا جيت تنام خل الجوال جنبك
.. والبرنامج يبي يقوم بتسجيل اي صوت بالغرفة ... يعني كانك تتكلم وانت
نايم تبي تعرف وكانك تشخر تبي تسمع نفسك اذا صحيت ... حتى لو جاك ازعاج
بالغرفة برضة يبي يسجله
ميزته ما يسجل الا اذا كان فيه صوت فقط
لكن نصيحه اللي عنده مكيف صوته قوي بالغرفة تراه ما ينفع لأنه يبي يسجل طول فتره النوم

رابط التحميل
http://itunes.apple.com/us/app/sleep...391767653?mt=8

Age My Face

ما ودك تشوف وجهك اذا صرت شايب ؟ هذا برنامج مجاني يطلع شكلك وانت شايب

رابط التحميل
http://itunes.apple.com/us/app/age-m...379459295?mt=8

Age My Face Pro

هذا برنامج مجاني ومثل البرنامج اللي فوق

رابط التحميل
http://itunes.apple.com/us/app/age-m...422704707?mt=8

iBald Free

برنامج مجاني تاخذ صورة لنفسك وبعدها يخليك اصلع
بالنسبة للأخوان الصلعان ما انصحهم بالبرنامج لأنه غير مفيد لهم

رابط التحميل
http://itunes.apple.com/us/app/ibald...413258751?mt=8

Hair MakeOver Lite

ما ودك تشوف نفسك بشعر مختلف ؟ هالبرنامج يغير شعرك

رابط التحميل
http://itunes.apple.com/us/app/hair-...349459063?mt=8

MixFace Lite

هذا برنامج غريب عجيب ومجاني
صور نفسك وبعدها اضغط مثلاً على علامة العيون اللي تحت على اليسار وصور شخص ثاني
بعدها يبي يطلع لك البرنامج صورة غريبه تجمع وجهك على عيون ثانيه
بصراحة مسلي جداً وانصح فيه

رابط التحميل
http://itunes.apple.com/us/app/mixfa...339740965?mt=8

SkyView Free

رائع هالبرنامج لمشاهدة النجوم والكواكب بطريقة ممتعه ويقدم معلومات عن كل الكواكب
فيه منه نسخه مجانية ونسخة بفلوس ... لكن انا نزلت المجانية

ورابط تحميلها
http://itunes.apple.com/us/app/skyvi...413936865?mt=8

iScraper

هالبرنامج يقدم لك اطول 15 مبنى بالعالم مع الصور والمعلومات
وطريقته في مشاهدة هذي المباني ممتع جداً

رابط التحميل
http://itunes.apple.com/us/app/iscra...353119937?mt=8

Home Decorator

فكرة هالبرنامج جداً حلوة ... اذا كنت ناوي تغيير الوان غرفتك فهالبرنامج يبي يفيدك وهو مجاني
صور الغرفة واختر اي لون تبي واضغط على الجدران ويبي يتغير الوانها مباشرة للون اللي اخترته
حلو انك تشوف اللون الجديد قبل ما تصبغ الغرفة

رابط التحميل
http://itunes.apple.com/us/app/home-...412838494?mt=8

iAmZombie

كانك زعلان من احد حط صورته وحوله لزامبي والبرنامج مجاني

رابط التحميل
http://itunes.apple.com/us/app/iamzo...394838322?mt=8

WhatsApp Messenger

برامج الماسنجرات ما فيه اكثر منها لكن برأيي هذا افضلها وأكثرها انتشار
وفيه منه نسخ للأندرويد والبلاك بيري والنوكيا والسوني اريكسون واغلب انواع الجوالات
يعني شامل وفيه مميزت كثيرة منها ارسال الصور او الفديو او البرودكاست او المجموعات
اشوف انه الأفضل بعد تجربتي لأكثر من برنامج

رابط التحميل
http://itunes.apple.com/us/app/whats...310633997?mt=8

Skype

البرنامج المعروف سكايب (وليس سكايبي )
اعتبره أفضل برنامج محادثة مرئية وطبعاً تقدر تكلم فيه صوت فقط او حتى كتابة
وتقدر عن طريقة تشتري رقم تلفون من أكثر من 30 دولة
ويشتغل على الواي فاي والـ3G

رابط التحميل
http://itunes.apple.com/us/app/skype/id304878510?mt=8

Viber

هالبرنامج من أفضل برامج المحادثة الصوتيه ويمكنك عن طريقة ارسال رسائل SMS
البرنامج معروف عند اغلبكم لكن قلت احطه لأنه يتميز عن غيره من البرامج بالصوت الصافي

رابط التحميل
http://itunes.apple.com/us/app/viber...382617920?mt=8

iAzkar

برنامج مميز ومجاني للأذكار

رابط التحميل
http://itunes.apple.com/us/app/iazkar/id301048982?mt=8

Booking.com

برنامج معروف ومجاني وبصراحة ما استغني عنه في سفراتي واغلب حجوزاتي عن طريقة
يعطيك اسعار رخيصه للفنادق في معظم دول العالم
تقدر تغيير لغة البرنامج للعربية وتقدر تغير العملة للريال
مره كنت في احد الدول وجاي ابمدد بالفندق وقلت له بكم الليله قال بحوالي 800 ريال
دخلت على البرنامج وانا واقف عن الريسبشن وحجزت نفس الغرفة بـ550 ريال

رابط التحميل
http://itunes.apple.com/us/app/booki...367003839?mt=8

Saudi Matches - مباريات السعودية

اذا كنت من متابعي الكورة السعودية فهذا أفضل برنامج حالياً
يعطيك مواعيد المباريات القادمه ويعطيك تنبيه قبل المباراة بخمس دقائق (طبعاً لازم تختار التنبيه للمباريات اللي تبي)
يعطيك النتائج وآخر الأخبار الرياضية

رابط التحميل
http://itunes.apple.com/us/app/id427460569?mt=8

Sleep Cycle alarm clock

استخدم هالبرنامج من حوالي 4 شهور ... قبل ما تنام تشغل البرنامج وتخلي الجوال جنبك
بعد ما تصحى يقول لك متى كان نومك عميق ومتى كان خفيف
لكن أفضل ميزة فيه هي عملية التنبية
مثلاً تبي تصحى الساعة 7 الصباح
تحط بالبرنامج انك تبي تصحى ما بين 6:30 و 7:00 والبرنامج يختار افضل وقت
علشان يرن ويصحيك ... وغالباً يختار الوقت اللي يكون فيه نومك خفيف ...
وبالتالي تقوم بدون اي ازعاج

رابط التحميل
http://itunes.apple.com/us/app/sleep...320606217?mt=8

TeamViewer

برنامج رائع بمعنى الكلمة ومجاني
تقدر عن طريقة الدخول على جهاز كمبيوترك الشخصي والتحكم فيه بالكامل
فوائدة كثيرة فمثلاً
ودك تلعب العاب فلاش على الايفون ؟ ما فيه داعي للجلبريك
ادخل عن طريق هذا البرنامج على كمبيوترك وافتح المتصفح والعب براحتك

رابط التحميل
http://itunes.apple.com/us/app/teamv...357069581?mt=8

DailyBooth

اتوقع هالبرنامج ما يعرفونه الكثير
هذا يعتبر شبكة اجتماعية لكن بالصور ... يعني بعد ما تسجل وتدخل البرنامج
كل 5 ثواني تنزل صورة من اعضاء الشبكة الاجتماعية وتقدر تعلق عليها وانت
برضة تقدر اي صورة

رابط التحميل
http://itunes.apple.com/us/app/daily...381470756?mt=8

Photosynth

هالبرنامج من انتاج شركة مايكروسوفت وهو مجاني
واعتبره من افضل البرامج اللي تسوي صور بانوراما
مع اني شريت وجربت أكثر من برنامج لكن اشوف ان هذا هو الأفضل

رابط التحميل
http://itunes.apple.com/us/app/photo...430065256?mt=8

FX Photo Studio

اذا كنت من هواة التصوير فأكيد تبي تحتاج مثل هابرنامج
البرنامج غير مجاني لكن يستاهل من يشتريه ويعطيك 187 تأثير تقدر تضيفها على الصور اللي تصورها ... مميز جداً

رابط التحميل
http://itunes.apple.com/us/app/fx-ph...312506856?mt=8

Old Photo PRO

برنامج مجاني يخلي صورتك كأنها قديمة

رابط التحميل
http://itunes.apple.com/us/app/old-p...400680685?mt=8

طبعاً فيه بعض البرامج اللي ما ذكرتها لأن معظمكم يعرفها
مثل برنامج اي فون اسلام واخبار التطبيقات والفيس بوك والتويتر والجزيرة والعربية وغيره الكثير

وارجو من الجميع المشاركة بهذا الموضوع

يعني اذا فيه برنامج مميز جربته ياليت تكتب لنا اسمه

وتحياتي لكم