* اضحكوا شوية معآنآ ....اتفضلوا..*

* السلام عليكم*

واش راكم؟
عندي بزاف مادرتش موضوع هنا

قلت اليوم غير تضحكو معايا شوية وتنساو شوية جوع
ههههههههه

نبداو

**
*

السباق

تسابق
الحصان العربي مع الحمار الوحشي. كي ربح الحمار الوحشي سقساو الحصان
العربي ..علاش ما ربحتش؟؟ قاللهم بيان سور هو لابس سيرفاتمون وانا لابس
قشابية.

**
*

المتبرعين

تبرعوا
3 رجال باش بناو مسجد. واحد وسمو براهيم واحد وسمو موسى واحد وسمو
الطيب.كي كمل الجامع جا الامام يصلي بالناس. قرالهم سورة الاعلى. كي لحق
لصحف ابراهيم وموسى.قالو الاخر. ياو راك نسيت الطيب.

**
*

لغزالة

واحد يعاكس في وحدة. قاللها صباح الخير يا لحمامة قالتلو ما تقوليش حمامة قولي غزالة.قاللها ليسونسيال حيوان

**
*

الطيحة

مرة كلب حاشاكم طاح في حفرة من بعد كي ناض قال : ابن عمي طحت طيحة نتاع لكلاب

**
*
الحابس

قالك واحد حابس طاح من الطابق4 دارو بيه الناس ابداو يسقسوا فيه واش صرا؟ ناض وقاللهم : ماعلاباليش هذا وين وصلت..

**
*

الميكانيكي

قالك واحد ميكانيسيا شرى سرير ياو رقد تحتو

**
*

الحادث

قالك
واحد كان يمشي شاف الناس متجمعين على حادث مرور. حب يقرعج باش يشوف
الضحية.قالهم اسمحولي نجوز هذا خويا.. كي لحق صابو حمار حاشكم

**
*
رمضان

واحد غبي سقساوه واش تتمنى؟؟
قاللهم نتمنى يكون رمضان كيما كاس العالم يجي مرة كل 4 سنين وكل مرة في بلاد..

**
*
شايف روحو

واحد شاف روحو فلمرايا وقاعد يقول..سبحان الله وين شايفك ؟ وين شايفك؟
خلاص تفكرت عند الحفاف..

خلاص هاو هذو هوما كملو

مرة اخرى ان شاء الله نجيبلهم الجديد
ان شاء الله يكونو عجبوكم وضحكتو شوية
يآك نسيتو الجوع خلاص؟

ههههههههه
ايا سلام وصحا فطوركمـ

الموضوع الأصلي : * اضحكوا شوية معآنآ ....اتفضلوا..* المصدر : شباب الجزائر الكاتب: haydar.007

التوقيع:haydar.007